早幾年，M記快餐店換麥嘜公仔，已經傻左咁食，連食四星期換公仔，今次仲恐佈，30個襟章，目的係換死人為止，講明買滿$20先有一個，多過$20都係得一個，就算買滿 $40都唔會有兩個，離譜！於是一日分開幾次幫襯，每次都要買到岩岩好$20多少少先開心，難過食飽換公仔多多聲。
上星期最激氣，諗住買三支汽水湊夠數，點知去到收銀先知$19.5，即場想打爆部收銀機，左度右度，結果買左收銀機隔離十蚊兩排朱古力，足足比「目標價」貴了$9.5，後來先醒起可以買包Tempo搭救，呻笨！
今日上拍賣網，已經出現交換潮，個個都係寫「我有ABCGHJKLOP，想交換DESTUW……」之類的字眼，於是攤開自己的存貨，將多餘的篩選出來，再對 一對有誰的交換條件最岩自己，結果對了成個小時，眼中只有字母走來走去，想嘔！對岩字母，仲要睇埋交收地點，唔係屯門就係葵涌，我頂！結果得一個肯郵寄交收，想要襟章之嘛，仲慘過返工。奉勸大家下次換野，諗過度過至好。
4/25/2005
麥嘜襟章
訂閱：
文章 (Atom)