買樓

今期《壹周刊》訪問胡恩威，胡概嘆香港「多數人用一半收入供一層無風、無景觀、樓底矮、窗台大過廳的樓」，係囉，點解要買樓呢？點解結婚一定要買樓呢？點解有樓先係有固定經濟基礎呢？點解買股票係投機，買樓就會令人覺得生活安定呢？結果所有人為了層樓勞碌一生，唔敢轉工、轉行、轉變生活……為乜？

好彩依家俾千幾蚊同人夾份租樓，樓底高過兩個人疊起，無窗台，有山景，落街仲可以睇到煙花，不知幾開心，得閒仲可以呼朋喚友開party打麻雀，做乜要買樓？

想死

四個細路迫在一間只有二百多呎的cafe內困獸鬥，仲要試六部數碼相機，總要每個細路最少有一個家長跟身，感覺只有一個：想死！