當老細叫你做一些不太make sense的東西時，你會怎辦？在這機構四年多，自己就遇上過不少這樣的情況，最慘是篇稿最後刊出的是自己名字，於是別人看起來，就會以為不make sense的，是我，沒人會想到後面策劃的是誰人。有行外朋友問：你做甚麼題目，不是自己決定的嗎？我立即苦笑，反問：你平日的工作，難道是自發要做，不是老細指派的？他們以為做記者的，就有很大的自由度，與他們的工作性質會完全不同，哎……是這樣就好了。
最近又出現「不make sense事件」，事緣自己想做DV機比併，誰知老細「聰明地」認為，DV機已經無人用，個個都拎住部數碼相機拍片的啦，於是命令我借一部DV機回來，同其他數碼相機比併，目的係笑DV機價錢貴，但係拍出來的效果其實同數碼相機差唔多。我聽完已經一額汗，結果比併完，DV機根本唔係咁差，於是老細進一步發揮，話DV機梗係拍到片，但係數碼相機平一倍，又拍到片又影到相，DV機就唔得，所以叫我比併埋DV機的影相功能，夾硬做到有分別。最慘係佢見到J字牌子的新DV機廣告，就指明話要借呢部，人家只得130萬像素，影相梗係輸九條街，結果篇稿出左，我亦俾J牌子的PR追了九條街……來罵，都唔知點同佢交代。
各位路過的仁兄，相信都有遇過類似事件，有任何好建議的請留低comments，謝謝！
11 則留言:
這樣看來真的很可悲，我現在諗的是新聞系，不知將來會否遇著相同的老細。但現在的我，會跟他理論、說教一下。也許這是不行，但我心有不甘。
見到你既難處，我完全感受到被指使做一些不合理的事的感覺。加油啊！
我會改筆名:
如「佘線高」
再唔係,depends on 你老細的名字，如佢叫「阿森」話，我會改筆名做「木木木」
如此類推~~~~~
我會第一件事出賣老勢。因為在一個陷害關係下，我唯有如實報導。
多謝各位高見。
iamarlong：謝謝你，我會加油！
mo_mo：你知啦，我那裡除了黃賭毒版，其他都要用真名，你個方法用唔到……too bad。
tusswu：好耐無見喇，我都知你實會咁諗，但係份稿出街前，要經過各位大人法眼，就算我如實報導，出街時後果都一樣，哎…
不過唔緊要，我呢度日日都發生呢d事，只係呢件事比較離譜，先寫出黎，只希望大家唔會遇到這些老闆。
我會選擇唔入呢個機構，事實上我決定了這條路。
蘋果與橙, 根本不可用作比較
如果我仲係SxxY度做, 一定唔借機俾你唧 :>
dino,
「如果我仲係SxxY度做」呢一句，令我懷疑我係唔係識你的呢？
To: 森美：
以你的年紀，你冇理由唔識佢，呵呵
識唔識人，又關年紀事？
叫做見過面啦, 不過就唔知你仲記唔記得, 是但啦!
大概估到你是誰啦（因為有SxxY這個貼士嘛），不過是誰也不要緊啦，因為多識了一個網上朋友嘛，有空多來瀏瀏啦！
發佈留言