近距離見水巨蜥

好開心！多謝olympus請我地去馬來西亞沙巴採訪，我想去沙巴好耐，唔係因為有好多水上活動玩，而係有水巨蜥，有幾巨，細過科莫多龍囉，但都好大條，兩至三米左右啦，但係可以近距離睇佢，科莫多龍就唔可以咁近喇。不過我行近時，本來唔可以郁的，但係咁岩腳痺郁左一下，條巨蜥就毫不客氣一條尾發落黎，好在係警告性的，唔多痛，但係就有一條少痕囉，但係見到佢地真係好開心，可惜晏晝落雨，唔係既話，仲可以見到犀鳥，一次過見晒兩種我最鍾意既動物，就真係開心死喇。